ولك مجبور أصدگك بالحجيته وياي
ورد مجبور أجذبك لان ماصدگك
عزيز انت عله گلبي شلون بالله وياك
أصدكك انه كلي اليوم لوجذبك
ليش وياي تغضب لو اجي بطاريك
ويه الغير تجري برفق وبمهلك
اريد احجي واسولف وانت بالك غاد
دفهمني الحجيته شلون يوصلك
ومنهو يگول يوصل حجي لودزيت
وعله الدزيته بالله الغير شيكلك
هم گلك يحبك بعده هايم بيك
هم گلك لهب نيران يلهبلك
موحجي التريده يوصله تالي الغير
خل نگعد سويه وكلشي اسولفلك
اگلك انت امي وانت كلشي اليوم
ياحضن اليدفي واختل بظلك
الف هنيل بخته اليوصل الطاريك
ولف لعنه عله شخصه الرايد يذلك
يل رسمك فرح ومعضعضاته الليل
يل طولك نبع للراد يجبلك
ولو موقصدي اوصفك هذه كله عتاب
وعتاب اليعاتب أنه اعاتبلك
شلون تريد انسه وما امرن بيك
وتكلي اليوم ملنه وانه ماملك
ولك مخلوق لجلك وانت الي مخلوق
وبد ماضن أللهي الغيرخالقلك
ياسبابت اصبع تنگضم عل غير
وشريد احجي واعد شكثر گاضملك
رد شرف علينه ولاتحمل عتاب
والمسامح كريم بگلبي كاتبلك